Il nestri paradîs Une dì, Chel che al faseve il mont culì si jere fermât, sedi par controlâ il so lavôr e ancje par podê tirâ flât. Po dopo ben polsât, li al à fat il Tiliment e, a pene di sore, Flavuigne e ancje Curnin e za che i restave aghe, al à fat ancje l’Arzin. Dopo, un tic disore, ve fate Forgjarie cun dute la Riviere e Santaroc. E duncje, dut di un flât al à fat ancje Mont di Prât. Daurman la nature cun plantis e nemâi: reps e peçs e frassins, orârs e cjastinârs po ancje sterps di frambuis e noglârs e tante jerbute verde di Ledranie fin a Ciondolâr. Lis pioris par la lane, lis vacjis par il lat il glîr e la sghirate e la surîs par il gjat, lis gjalinis par fâ l’ûf di cuei in antian e dopo, par fâ la vuardie, ve che al rive il cjan. Al à fat ancje parussulis, sfranzei e sivilots dordei e ancje passaris e dopo il biel frisot Al à continuât cun luris, mierlis e zenevrons e par finî cun civuitis e tancj grifons. E po infin la int: canais di ogni sorte, grancj e picinins ch’a corin par lis stradis o ch’a duarmin cidins e i grancj ch’a van a vore e chei ch’a stan dibant e il nono cu la pipe ch’al passe il timp fumant. Finît il lavôr, al ferme un om a câs “Cjale il lûc che achì o ai fat e dimi se ti plâs”, “Jo no mi intint, no sai, ma scolte che ti dîs: chel che tu âs fat nol è un lûc: al è un paradîs!” | Il nostro paradiso Un giorno, Colui che creava il mondo qui si fermò, per controllare il suo lavoro e anche per riposare un po’. Dopo che si era ben riposato là creò il Tagliamento e, poco sopra, Flagogna e anche Cornino e già che gli avanzava un po’ d’acqua di là creò anche l’Arzino. Dopo, leggermente più in alto, ecco creata Forgaria assieme alla Riviera e a San Rocco E quindi, tutto d’un fiato lassù ha creato anche Monte Prât. Di seguito la natura con piante e animali: faggi e abeti e frassini, allori e castagni e anche cespugli di lamponi e noci e tanta verde erbetta da Ledrania a Ciondolâr. Le pecore per la lana, le mucche per il latte lo scoiattolo e il ghiro e il topo per il gatto le galline per fare l’uovo in camicia. E dopo, per fare la guardia, ecco creato il cane. Ha creato anche cinciallegre, fringuelli e ciuffolotti, i tordi, i passeri e il bel frosone Ha continuato con rigogoli, merli e cesene, e per finire civette e tanti grifoni. E poi le persone: bambini di ogni tipo, grandi e piccolini che corrono per le strade o che dormono silenziosi. E gli adulti che vanno a lavorare e quelli che non fanno nulla e il nonno con la pipa che passa il tempo a fumare. Terminato il lavoro, ferma una persona a caso “Guarda il luogo che ho creato e dimmi se ti piace”. “Io non me ne intendo, non so, ma ascolta questo: quello che hai creato non è un luogo ma è un paradiso!” |
0